阿娟（二娘）

我細個喺斗門鎮大，屋企三代人都係做鄉下酒席出身。後尾自己開舖，最先就係喺屋企門口擺一張枱招呼熟客，街坊一句「去二娘度食飯」就定咗招牌。一做超過二十年，客人由後生到拖住仔女，再到拖住孫，而我哋做嘅嘢始終冇變：養好雞、即叫即炒、靚湯熬足四個鐘。

港車北上之後，週末一半以上嘅客人由香港過嚟。我知大家係特登上嚟食一餐，所以對食材、份量、口味、接待都唔敢怠慢——菜單每月對價同埋落單系統對照一次，有新時令就寫新介紹，去年咪有客人投訴過「以為仲係舊價」，而家站內嘅價格同現場結帳價盡量做到一致。